काठमाडौं । राष्ट्रिय ख्रीष्टियन महासंघ नेपालको अाइतबार अध्यक्ष सि.बि.गहतराजको अध्यक्षतामा करुणा क्याफे जावलाखेलमा बसेको केन्द्रिय समितिको बैठकले अधिवक्ता पाष्टर बुद्ध घिसिङलाई सर्वसम्मतिका साथ कानूनी सल्लाहकारमा मनोनयन गरिएको छ ।
त्यसै गरी यस वर्ष अर्थात २०७६ सालको प्रभु येशू ख्रीष्टको जन्मत्सव (ख्रीष्टमस)लाई हर्सोल्लासका साथ साता व्यापिरुपमा विभिन्न कार्यक्रमहरु गर्ने र डिसेम्बर २५ तारिखका दिन उपत्यकाका मण्डलीहरुको व्यापक सहभागितामा नेपाल राष्ट्रका विशिष्ट तथा उच्च ओहोदाका व्यक्तित्वहरुसमेतको विशेष ख्रीष्टिमस कार्यक्रम राष्ट्रिय प्रज्ञा प्रतिष्ठनमा गर्ने निर्णय पनि गरिएको छ । सो साता व्यपि गरिने कार्यक्रमहरुमा सबै मण्डलीहरुको प्रार्थना सहित सक्रिय सहभागिताको लागि बैठकले अनुरोध गरेको छ साथै महासंघका वरिष्ठ सहअध्यक्ष रेभ.डा.फिलेमोन क्षेत्रीको संयोजकत्वमा ख्रीष्टमस महोत्सव २०७६ मुल समारोह समिति गठन गरिएको छ ।
महासंघको विभिन्न विभागहरुलाई व्यवस्थित तथा सक्रिय पार्नका लागि उपमहासचिव पा. धनराज घिमिरेले तयार पारी मिति २०७६ जेष्ठ २५गतेका दिन बसेको विशेष समितिको बैठकमा पेश गरेको विभाग सञ्चालनसम्बन्धी निर्देशिका २०७६लाई सचिव पा. प्रेम कार्कीले पारित गरियोस् भन्ने प्रस्तावलाई बैठकले सर्वसम्मतिका साथ पारित गर्यो ।
उपमहासचिव तथा प्रवक्ता रेभ.पा. उद्धव चिमोरियले सञ्चालन गर्नुभएको बैठकमा सबै केन्द्रिय सदस्यहरुले खुला तथा सक्रियरुपमा अ–आफ्नो विचार तथा मन्तब्य राख्नु भएको थियो साथै छलफलमा भाग सक्रियरुपमा भाग लिनु भएको थियो ।
