परमेश्वरले मानिसलाई अनन्त जीवन दिनु भो
उहाँको नामको खातिर सबै पाप क्षमा गरि
दु:ख पीडा रोदन र हाम्रा सबै बोझ लिनु भो
हामी पनि आज्ञा पालन गरौँ सधैं अघि सरि ।
समयको वास्ता गरि जीवन जिउ येशू सरह
हे जवान तिम्रो जवानीलाई कसैले हेँला नगरोस्
तिम्रो जीवन साम्दान माथि राखिएको दियोसरह
हर कुनामा उज्यालो दिन सक्ने उदाहरण बनोस् ||
हाम्रो जीवन डाँडामाथि बसालिएको सहर जस्तै
विभिन्न ठाउँबाट सहजै देख्न सक्ने
हाम्रो जीवन बहुमुल्य स्वादिलो नून जस्तै
वेस्वाद जीवनमा मिठास दिन सक्ने||
हाम्रो जीवन ख्रिस्टको गुणले सजिएको पत्र जस्तै
खुल्ला यो पत्र सबैले पढ्न सक्ने
हाम्रो जीवन संसारको ज्योति जस्तै
अन्धकारमा सबले चमक लिन सक्ने ||
-स्मिता शेर्पा
